吉隆坡 半山芭 賣了祖孫三代的咖哩豬腸粉

晨早到半山芭 喫 Jack Tang 檔口拉尾， 賣咗祖爺孫三代嘅  咖哩豬腸粉 。我啱啱踏入那個室內巴剎，就聞到那浸撲鼻而來，幾十年唔走味嘅咖哩香，好想坐落嚟吃。

諗起我老豆帶我落半山芭

畀我諗起我細細嗰果陣。有一日，當時人強馬壯嘅爸爸拖住我嘅手仔，拉我入到嚟半山芭。當時我人仔都唔夠三尺，得個3尺幾高。我抬高個頭向上望，周圍個個人都係好似森林po樹咁，枝枝都“古木參天“，我幾乎睇唔到天空。

行咗好耐，爸爸同我搵張木櫈仔坐低。佢同對面檔口嘅老細喊咗幾聲，老細捧上兩盤黃澄澄色嘅豬腸粉。老細問：“咁細個食唔食得辣㗎？“ 爸爸話：“咁好食，由得佢試。“ 我唔知頭唔知路，一啖咖哩水落口。既刻好似火燒喉咁，咳到我三魂唔見咗七魄。頭上piu晒冷汗，好似開咗水喉咁。自從果次之後，我食親咖哩，頭一定piu汗，跟住我仲死鬼咁鍾意食呢檔嘅咖哩豬腸粉。

講番我同娘娘落半山芭。

我既刻落單，點咗一盤 咖哩+豬皮 ，再點一盤咖哩十腐皮 俾我屋企嘅娘娘。食過番尋味，我再加食一碟 豉油豬腸粉。三碟共價RM7.90。

檔口處傳來袅袅的新年歌， 配上我老豆至愛嘅搭配 kopiO 同埋 五蚊燒肉  。四五十年代嘅新年歌，果然係最有新年fu。

甚有新年氣氛。

延伸阅读

吉隆坡 半山芭 puduplaza拉尾 德昌飽餃茶餐室

~ 结 ~


以上這些都是我生活的小事記，大家看看就好，不必太過嚴謹看待



老鄧游記 開站以來的瀏覽人數