半山芭 貴叔雲吞麵
今日我返半山芭，竟然俾我撞番細細個日日去食嘅麵檔，以前我外公叫佢 阿貴，而家佢叫 貴叔雲吞麵。🍜👍
朝朝早擺檔
想當年細細個果陣，周不時朝早要去半山芭擺檔，先返得學。😨😨😨 天都仲未光，果陣9岁肥C大隻睇嚟似13岁嘅小朋友，朝朝早整五點幾爬起身，幫手開得檔嚟都差唔多整六點幾，老豆先帶我返學。（上佐中學老豆老母見我辛苦，先唔洗我朝朝早起身開檔。）我開完檔嘅第一件事樂事，梗係醫飽個肚先囉。咪就日日到 阿貴檔口 塞牙la lo . 🍝🍝🍝
當代半山芭檔檔都係正嘢
果陣 我日日（時常）到貴叔度食麵，貴叔賣嘅係咩麵咧。其實諗返起身，當時貴叔賣嘅麵算係冇乜特色。點解？😅 皆因 果陣嘅半山芭整條街D檔口食肆，檔檔都係好有強烈特色的華人籍貫好嘢。例如；街頭客家人整嘅嘢有魚露大莆麵lo，街尾福建人煮魚頭米，隔兩條街嘅廣東點心lo。。。連半山芭巴剎中街細細隻檔仔賣嘅炸魚蛋，都係巴剎買番嚟嘅新鮮西刀魚肉打膠嘅魚蛋，真係好好味。
果陣嘅 眉豆菜莆客家粽、食到我飙晒汗嘅咖哩豬腸粉、茶陽會館魚蛋粉、露天巴剎街口嘅燒臘、聊天茶室嘅kopiO、再行落D仲有（香港商店）牛腩粉、點心、街邊嘅潮州粥、橫巷嘅芋頭榚、涼茶、豬肉粉。如果要食得豪氣D，就到適苑酒家點番道招牌菜，琵琶鴨；又話者 平價D，就友誼商店旁邊鍋氣十足嘅，平記大炒喫 星光豆腐、芙蓉蛋、亂棍打豬八怪。
果陣嘅 眉豆菜莆客家粽、食到我飙晒汗嘅咖哩豬腸粉、茶陽會館魚蛋粉、露天巴剎街口嘅燒臘、聊天茶室嘅kopiO、再行落D仲有（香港商店）牛腩粉、點心、街邊嘅潮州粥、橫巷嘅芋頭榚、涼茶、豬肉粉。如果要食得豪氣D，就到適苑酒家點番道招牌菜，琵琶鴨；又話者 平價D，就友誼商店旁邊鍋氣十足嘅，平記大炒喫 星光豆腐、芙蓉蛋、亂棍打豬八怪。
講番尼檔貴叔雲吞麵。
尼檔貴叔麵檔嚴格嚟講（30年前）係當時咁多華人特色小食圍you住嘅半山芭食肆，算係冇乜特色。唯一令我外公（果陣外公佢65，仲日日落半山芭擺檔做生意）日日食到番尋味的主要原因，就係阿貴雲吞麵嘅油水十足夠，雲吞好新鮮(rich of 豬肉味)咬落有陣淡淡嘅油脂香。我今日食番，雲吞麵浸味，同30年前一模一樣，一D都冇變到。
貴叔雲吞麵嘅特色
時過境遷。尼碗雲吞麵女經歷30幾年的時間歷練，仲保存得好好，係今時今日(外勞充斥食肆口嘅吉隆坡)已經係買少見少。三一三二嘅叉燒（1／3肥2／3瘦）手擺面，落口係十成十嘅叉燒肉香。D叉燒切落有咁上下厚度，咁先吃得到浸叉燒香（如圖）。再鋪上一層蝦米炒香過嘅肉碎。無論係用肉碎蝦米餸麵或者係用叉燒餸麵一樣咁有層次。雲吞麵嘅醬汁可以話係夠油水（依40年代嘅標準，今日D雲吞麵HaiSapSap冇人食），夠味夠油，連D湯汁都係用心熬高湯整出嚟嘅。
講下佢嘅 雲吞
食雲吞麵點可以唔提個雲吞。雲吞係用新鮮嘅豬肉打膠做餡，放落豬骨煲嘅湯，洒翻D胡椒粉提味，一碗充滿油脂香而唔肥腻嘅雲吞湯即上檯。我食咗一碗雲吞麵之後，加食十粒雲吞（RM 3.00／10pcs）
日漸消失的半山芭口味
前兩個禮拜同朋友仔喝茶傾計，傾起半山芭仲有咩好味又用心做嘅食材。我同朋友諗咗好耐，結論 是 買少幾少。我屋企娘娘嘅用詞仲貼切：“当一众特色美食近乎都迷失在媒体的镁光灯下、渐渐地在群众的一片拥簇声中消亡殆尽时，数十年来还在默默地亲力亲为，为的是不让老味道变调的，有几人？在看尽半山芭的繁华落尽后，还愿意重返脏乱的横街后巷里，寻找儿时的各种记忆和滋味的，有谁？“
所以話，我哋仲食得到3,40年前果浸味，就真係要惜福呀。貴叔雲吞麵位於半山芭 消防局同一排，巴士車站的邊邊。
以前貴叔嘅檔口係係露天巴剎 屎蛤檔後邊。而家半山芭已經俾外藉人士霸到晒。貴叔就將檔口搬到現址。
 |
仲係用翻30年前嘅古法洗碗洗碟。 |
貴叔嘅得力助手，貴嫂。兩公婆pak爛檔，堅持做咗幾十年嘅 同樣嘅味道。
呢碗咖哩麵都同出邊D咖哩叻沙好唔同。
老鄧講古仔
講到呢度，我又要講下我細細個果陣嘅一個好搞笑嘅古仔囉。
事關，我小學果陣幾乎日日都要出巴剎幫手開檔。開完檔嘅第一件事，梗係去到阿貴檔口食我例牌嘅雲吞麵。果陣阿貴嫂擺咗整罐 腌青辣椒係檯面，....
果陣貴嫂擺整罐青辣椒落檯面，任由食客畢嚟食。你知我果陣細細個，死鬼咁鐘意食青辣椒。baibai 食親雲吞麵，差唔多食晒貴嫂半罐青辣椒。搞到貴嫂有一日搵上我老母嘅檔口報串，話我食晒佢嘅青辣椒。呵呵
No comments:
Post a Comment